ҶСК “Тавҳидбонк” барои осон кардани мушкилоти дастрасӣ ба маблағҳои интиқолӣ аз хориҷи кишвар (Федератсияи Россия, Қазоқистон ва хориҷаи дур)  тартиби кушодани суратҳисобҳои бонкиро барои муштариёни интиқолгир  ба роҳ мондааст.
Кушодан ва пешбурди суратҳисобҳои бонкӣ дар ҶСК “Тавҳидбонк” як роҳи нави алтернативӣ барои интиқоли маблағҳо аз хориҷӣ кишвар, ки тавассути низомҳои интиқолӣ бе кушодани суратҳисобҳои бонкӣ сурат мегирифт, мебошад.
Барои истифода аз суратҳисобҳои бонкӣ чунин амалҳо лозим аст:

  • Интиқолгиранда дар ҶСК “Тавҳидбонк” ва воҳидҳои сохтори он (филиалҳо ва марказҳои хизматрасонии бонкӣ) ба номи худ суратҳисоби бонкӣ мекушояд.

Барои кушодани суратҳисоби бонкӣ* ҳамагӣ як ҳуҷҷат - шиносномаи шаҳрванди Ҷумҳурии Тоҷикистон ва Рақами мушаххаси андозсупоранда (ИНН) муштарӣ лозим аст, ки тибқи онҳо шартномаи суратҳисоби бонкӣ** баста шуда, ба Шумо суратҳисоб кушода мешавад;

  • Баъд аз кушодани суратҳисоб Шумо (муштарӣ) маълумотномаи (реквизити) суратҳисоби бонкии худро ба хешовандони дар хориҷа будаи худ равон менамоед;
  • Интиқолдиҳанда (хешовандони суратҳисоби Шуморо дастраснамуда) метавонад;

- аз дилхоҳ ва наздиктарин бонки хориҷӣ рафта, ба суратҳисоби Шумо маблағҳои интиқолиро равон кунанд.
- тавассути телефони мобилӣ аз хизматрасониҳои “интернет банкинг” ва “мобилний банкинг” истифода намуда, ба суратҳисоби Шумо маблағҳои интиқолиро равон мекунад.
- ё аз ҳисоби корти бонкии дар дастдоштаи худ ба суратҳисоби Шумо маблағҳои интиқолиро равон кунад.

  • Интиқолдиҳанда баъд аз равон кардани маблағи интиқолӣ ба Шумо занг мезанад ва ё паёмак (смс) равон мекунад, ки ба суратҳисоби Шумо маблағ гузаронидааст ва дар навбати худ аз ҷониби ҶСК “Тавҳидбонк” баъди ворид шудани маблағ ба суратҳисоби Шумо,  фавран бо паёмак (смс) Шуморо хабардор менамояд. Шумо метавонед аз наздиктарин филиал ва ё марказҳои хизматрасонии бонкии ҶСК “Тавҳидбонк” омада маблағҳои худро бемамоният дастрас намоед.

Дар мавриди гирифтани маблағҳои интиқолӣ ба Шумо хатиррасон менамоем, ки аз Шумо ҳаққи хизматрасонӣ ва ё комиссияи бонкӣ гирифта намешавад (ҳаққи хизматрасонӣ аз ҷониби Бонки интиқолдиҳанда аз хориҷа ситонида мешавад. Ҳаққи хизматрасонии бонки интиқолдиҳанда аз хориҷа аз 1 то 3%-ро метавонад ташкил диҳад)
Интиқол ва гирифтани маблағҳои пулӣ тавассути суратҳисобҳои бонкӣ чунин бартариятҳо дорад:

  • боэътимод ва бехатар мебошад.
  • аз низомҳои интиқолӣ ягон вобастагӣ надорад.
  • аз суратҳисоб ба суратҳисоби дигар гузаронидани маблағро имконият медиҳад.
  • дар асоси боваринома (доверенность) шахси наздики Шумо метавонад, аз суратҳисоб истифода намояд.
  • суратҳисобро метавон тавассути телефони мобилӣ ва “интернет - банкинг” пур карда, ба дигар суратҳисобҳо интиқол дод.
  • ва ғайра

*Суратҳисоби бонк - суратҳисоби бонкии муштарӣ бо пули миллӣ ё асъори хориҷӣ, ки дар ташкилоти қарзии молиявӣ кушода шуда, дар он бақия ва гардишҳои маблағҳои пулии муштарӣ инъикос мегардад;
**шартномаи суратҳисоби бонк - шартномаест, ки мутобиқи он ташкилоти қарзии молиявӣ уҳдадор мешавад маблағхои пулии ба суратҳисоби бонкии муштарӣ - молики суратҳисоб воридшавандаро қабул кунад ва гузаронад, супориши муштариро оид ба пардохт   ва   додани   маблағҳои   дахлдор   аз   суратҳисоби   бонкӣ   ва   гузаронидани амалиётҳои дигар аз рӯи суратҳисоби бонкӣ иҷро намояд;

Суратҳисобҳои бонкӣ барои муштариёни ташкилотҳои қарзии исломӣ бо пули миллӣ ва ё асъори хориҷӣ аз рӯи намудҳои зерин кушода мешаванд:

  • суратҳисоби амонати пасандозӣ;
  • суратҳисоби амонати дархостӣ; 
  • суратҳисоби амонати муҳлатнок; 
  • суратҳисоби нигоҳдории амонатӣ;
  •  суратҳисоби амонати сармоягузорӣ;
  • суратҳисобҳои муросилотии ташкилоти қарзии исломӣ.

------------------------------------------------

Барои кушодани суратҳисобҳои бонкӣ шахсони воқеӣ ба Бонк ҳуҷҷатҳои зеринро пешниҳод мекунанд:
  -  дархост барои кушодани суратҳисоби бонкӣ;
  -  Рақами мушаххаси андозсупоранда (РМА);
  -  ҳуҷҷате, ки шахсияти онро (танҳо шиноснома) тасдиқ мекунад.


------------------------------------------------
Бартарияти ин дар он аст, ки Шумо метавонед суратҳисоби худро ихиёрдорӣ намуда, маблағи воридшударо кадом вақте, хоҳед дастрас ва истифода намоед.

Гузоштани дархост

Дархостро пур кунед

Мо ҳатман ба Шумо занг мезанем!
  • Гурӯҳи маҳсулот
  • Зергурӯҳ
  • *Гузоштани файлҳои номбар шуда ҳатми аст!