ҶСК “Тавҳидбонк” бо мақсади дар амал татбиқ намудани иқдоми Child and Youth Finance International, барои ҷашн гирифтани Global Money Week ҳафтаи байналмиллалии молия барои кӯдакон ва ҷавонон, васеъ кардани имконияти онҳо, ҷиҳати ба роҳ мондани ояндаи масъулони молиявӣ ва ҳифзи ҳуқуқи истеъмолкунандагони хизматрасониҳои молиявӣ рӯзи 03 апрели соли ҷорӣ дар ноҳияи Фирдавсии шаҳри Душанбе бо 20 нафар хонандагони муассисаи таҳсилоти миёнаи умумии №18 дар мавзӯи “Пул ва вазифаҳои он” тренинг - омӯзиш баргузор намуд. Хонандагон фаъолона ва озодона сухан ронда, фикру ақидаи худро баён карданд. Ба саволҳои “Пули миллӣ чист ва кадом вазифаҳоро иҷро мекунад? Фаркияти бонки исломӣ аз анъанавӣ? Кадом намуди пулҳои давлатҳои дигарро медонед? Фаркияти фоиз аз изофапулӣ? Мурабаҳа чи маъно дорад ва ғ? – қисми зиёди хонандагон ҷавобҳои дуруст ва саҳеҳ дода ва ҳамзамон ба саволҳои хеш аз ҷониби лекторон ҷавобҳои заруриро дарёфт намуданд.