Ҳамватанони азиз! Сафҳаи дигаре аз дафтари рӯзгор варақ хурд,барги дигаре аз дарахти замон бар замин афтод. Соле гузашт, соле оғоз шуд, фасли тозае барои зистан боз шуд ва оғози соли ҷадидро ба ҳар яки Шумо табрику таҳният намуда, бароятон умри пурбаракат, сафои рӯзгор ва хушии пойдорро орзӯмандем. Умедворем, ки фаро расидани рӯзи нав ҳамеша навидбахши афкори нав, аъмоли нав ва тасмимҳои нав дар кору фаъолиятатон гардад. Наврӯз, ки паёмовари ишқ аст бошад, ки ба Шумо паёми меҳру муҳаббат ва муроду муваффақият оварад. Бигзор, сиҳатмандӣ, сабурӣ, сарбаландӣ, сарсабзӣ, садоқатпешагӣ ва суруру саодатмандӣ ҳафтсини суфраи зиндагиятон бошад. Рӯзгоратон баҳорӣ ва баҳоратон ҷовидона бод. Наврӯз Муборак! Раёсати ҶСК “Тавҳидбонк”