Мехоҳед соҳиби автомашинаи сабукрав, телефони мобилӣ ё планшет шавед? Маблағҳои интиқолиро аз Тавҳидбонк дастрас намоед ё ба корти Тавҳидбонк интиқол намуда, иштирокчии Иқдом шавед. Тавҳидбонк аз 20 декабри соли 2020 Иқдоми "Интиқоли бобаракат" -ро эълон менамояд. Ҳамаи муштариёне, ки аз офисҳои Тавҳидбонк маблағҳои интиқолии бо рубли русӣ ирсолшударо мегиранд, ба корти Тавҳидбонк ё ба ҳамёни мобилии TawhidPay мегузаронанд, иштирокчии Иқдом хоҳанд шуд. Шахсоне, ки дар давраи Иқдом дар маҷмӯъ ҳарчӣ бештар маблағи интиқолиро мегиранд, ғолиб эълон карда мешаванд. Иқдом дар ду марҳила сурат мегирад: Марҳилаи аввал аз 20 декабри соли 2020 то 31 марти 2021 давом ёфта, 15 нафари ғолиб моҳи апрели соли 2021 муайян мешаванд ва соҳиби чунин тӯҳфаҳо мегарданд: 10 корти пардохтӣ бо маблағи 1000 сомонӣ, 2 планшет ва 3 телефони мобилӣ. Марҳилаи дуюм бахшида ба Иди Рамазон аз 01 апрели соли 2021 то 31 майи соли 2021 давом ёфта, ғолиби Иқдом дар аввали моҳи июни соли 2021 муайян мегардад ва ба ӯ шоҳҷоиза - автомашинаи Шкода Рапид аз автосалон тақдим мешавад (Тибқи Кодекси Андози ҶТ Боби19 Моддаи 125 оид ба ситонидани андоз аз манбаи пардохт– ғолиби Иқдом маблағи андози марбут ба бурди мошинро аз ҳисоби худ пардохт менамояд). Муфассал бо телефонҳои: 44 601 70 70 (Душанбе) 44 600 48 12 (Бохтар) 44 600 47 18 (Хуҷанд)