ҶСК “Тавҳидбонк” роҳбарият ва аҳли кормандони Фонди қарзии хурди “Имон”-ро ба муносибати гирифтани Иҷозатнома барои анҷом додани фаъолияти бонкии исломӣ, тавассути “равзанаи бонкии исломӣ”, табрик намуда ба фаъолияти минбаъда ба ФҚХ “Имон” бурдборию муваффақиятҳо ва дар ин ҷода ба дастовардҳои беназир ноил гардидан таманно дорад. ҶСК “Тавҳидбонк”, ки дар ин ҷода бо шиори "Рафоқат на рақобат" қадамҳои аввалини худро гузошт умед аз он дорад, ки ҳамкориҳои мутақобила дар ин самт густариш ёфта дар ҳамоҳангӣ тавонем дар навбати аввал боварии мардумро ба низоми бонкӣ барқарор созем ва ба рушди бемайлони иқтисоди кишвар саҳим бошем. Ҳамчунин дар татбиқи бомуваффақияти ин падидаи нави низоми бонкии кишвар дар мавриди пешниҳоди маблағгузориҳои инноватсионии исломӣ (алтернативӣ) дар якҷоягӣ баромад хоҳем кард.