Ба маълумоти саҳмиядорони ҶСК «Тавҳидбонк» расонида мешавад, ки 10 июни соли 2021, соати 10-00 дар бинои марказии Бонк воқеъ дар ш. Душанбе, кӯчаи С. Айнӣ, 4/1 Маҷлиси умумии солонаи саҳмиядорон бо рӯзномаи зерин даъват карда мешавад: 1. Дар бораи Ҳисоботи ҶСК «Тавҳидбонк» барои соли 2020, Ҳисоботи солонаи муҳосибавӣ, аз он ҷумла ҳисобот оид ба фоида ва зарар, инчунин тақсими фоида ва зарар аз рӯи натиҷаҳои соли молиявӣ. 2. Дар бораи ворид намудани тағйирот ба Оинномаи Ҷамъияти саҳомии кушодаи «Тавҳидбонк». 3. Дар бораи пардохти закот. 4. Дар бораи интихоб намудани Ревизори ҶСК «Тавҳидбонк». 5. Дар бораи таъин намудани ташкилоти аудиторӣ барои гузаронидани аудити берунии фаъолияти ҶСК «Тавҳидбонк» дар соли 2021 ва андозаи подошпулии он. 6. Масъалаҳои дигар. Рӯйхати шахсоне, ки барои иштирок дар Маҷлиси умумии саҳмиядорон ҳуқуқ доранд, ба санаи 20 майи соли 2021 тартиб дода шудааст. Бақайдгирии иштирокчиёни Маҷлис 10 июни соли 2021, аз соати 9-00 оғоз меёбад. Саҳмиядорон метавонанд рӯзҳои корӣ дар бинои марказии Бонк бо маводи Маҷлис шинос карда шаванд. Шӯрои нозирони ҶСК «Тавҳидбонк»