Имрӯз, 10 июни соли 2021, дар бинои Саридораи Бонк Маҷлиси умумии солонаи саҳмиядорони ҶСК «Тавҳидбонк» баргузор гардида, қарорҳои зеринро қабул намуд: •Ҳисоботи ҶСК «Тавҳидбонк» барои соли 2020, Ҳисоботи солонаи муҳосибавӣ, аз он ҷумла ҳисобот оид ба фоида ва зарар, инчунин тақсими фоида ва зарар, пардохти суди (дивиденди) саҳмияҳо ба саҳмиядорон аз рӯи натиҷаи соли молиявӣ тасдиқ карда шаванд; •ба Оиннома тағйирот вобаста ба иваз намудани суроғаи ҳуқуқии Саридораи Бонк, таъсис додани Филиал дар ноҳия Шаҳритус ва барҳам додани Филиал дар шаҳри Конибодом ворид карда шуданд; •муайян карда шуд, ки барои пардохти закоти солона аз ҷониби саҳмиядорони ҶСК «Тавҳидбонк» аз рӯи саҳмияҳо худи онҳо масъул мебошанд, Раёсати Бонк дар асоси дархости саҳмиядорон оид ба ҳаҷм ва тартиби пардохти закот барои ҳар як саҳмия ба онҳо тавзеҳот медиҳад; •саҳмиядор Хайрулло Асадулло Ревизори Бонк интихоб карда шуд; •ташкилоти аудитории ҶДММ «Крестон АС» барои гузаронидани аудити берунии фаъолияти ҶСК «Тавҳидбонк» дар солҳои 2021-2022 таъин карда шуд.